بصراحة صعبتوا عليا واضيقتلكم سلف اية المواضيع التخينة اللى فالمرة دى قررت اقولكم على حاجة لذيذة وخفيفة وطبعا مفيش اخف من حكاوى الف ليلة وليلة قبل النوم كده ..
الاول حد قرا قبل كده الف ليلة وليلة بتاعه زمان اصلى قررت اقولكم الف ليلة دلوقتى سنة2007 شكلها اية وبقت اخر استيل وكول خاالص
فاسمحولى اكون شهرزاد النهارده واحكلكم حكاية جديدة.....خليكوا معايا
بلغنى ايها الملك عباس ان الاميرة ايناس عندما دعكت الفانوس النحاس فتحت الترباس على الجنى محروس حارس الفانوس.فخرج محروس الجنى الكبير وهو متلفح ببشكير وقال بصوته الجهير:
اية اللى عملتية ده ياست ......كده تطلعينى من التواليت وتقطعى عليا احلى دش مية وتطلعينى فى السقعه ديه....
قالت وحياة راس امك نفسية انا فى مشكلة عويصة...
رد باستغراب وهو يحك ذقنه كالغراب
طيب احكى قوام احسن يجيلى زكام علشان خارج من الحمام
قالت :ذهب ابى السلطان منذ بضعه ايام فى جولة تفقدية لاحوال الرعية وبعدما ودعته فى المطار ,اخذ البساط وطار,وانطلق ليرى الناس الغلابة فى الكوفة والبصرة وامبابة
,وبينما هو طائر وسط السحاب حدث فى الجو انقلاب,فقدت بدات تهطل الامطار وتعلن الرياح عن قدوم اعصار.
فقرر السلطان واحسن الاختيار ان يطير تحت مستوى الرادار ولكن الامطار اثقلت البساط ولم ينفع معها الطيار وانشفط السلطان داخل العاصفة الجوية كما تشفط الاتربة بالمكنسة الكهربائية وظل هو والبساط داخل الزوبعه ثلاث ساعات او اربع ,ولكنه نجا باعجازالهى وظن انه كان فى الملاهى ,واخذت راسه تدور مثل بوبينة الموتورووعندماتوقفت السيول اتصل بى على المحمول وانشد قول:.....
يا بنت السلطان ابوكى عيان
تاة وسط الصحرا والبساط عطلان
ثم نظرت نحو الجنى نظرة مقلقة وزفرت زفرة حارقه, فقال الجنىمحروس عفريت الفانوس:
والمطلوب منى يا ست الكل....انجزى احسن هاعيا ويجينى السل..
قالتبحزن عميق :لقد اغلق كل طريق,واقفلت شركة الطيران السحرىكل رحلات النقل الجوى والبحرى نظرا لسوء الاحوال الجوية والسيول المائية.
فقال العفريت باسلوب اليط:
يعنى عايزانى اجيب لك ابوكى بعربيتى الشيروكى وفى ثانية واحدة هجيبلك مولايا بس حلى عن قفايا.
وبعد ساعه زمن وصل العفرت ومعه السلطان وقال:سلمى على ابكى وهاتى للبساط مكانيكى. وسيبونى اريح شوية فى الفانوس,احسن انا منكم مفروس, علشان جبتولى زكام,سيبونىبقى اتخمد وانام...ومحدش يطلب اى مطلوب والاوالله اديله بالمركوب
وسكت شهرزاد عن الكلام المباح
عفاريت اخر زمن فعلا بيتامروا كمان وعجبى
الإثنين مارس 26, 2007 1:55 pm
انا عااااوزه عفريت 2007 يا بكاااااااء عاوزاه يجبلى بابا وماما 
