الغيرة شىء صعب جدا

السلام عليكم يا احبائى
انا بجد فى موضوع نفسى اطرحة وهو موضوع الغيرة واظن ان الكل يعرفة وممكن يكون اتصاب منة بس بجد نفسى اعرف رايكم والتصرف فى الموضوع دة يكون ازاى
انا عندى من ناحية فرع امى انا بيغيرو منا بشكل فظيع لدرجة انهم بيضرونا كمان
حاولنا كتير اننا نصلح حالهم بس مفيش فائدة
الاحساس بالنقص شىء فظيع بس الحل اية المقاطعة حرام وعدم الكلام معاهم برضة حرام ومش عارفة اية الحل
انا بالنسبالى الموضوع دة مش بيسببللى مشاكل بس لاسف دة بيزعل مامتى اوى لما تعرف ان اخواتها بيغيرو منها لدرجة انهم بيضروها ومش بيعملو حاجة فى مصلحتها لدرجة ان ممكن لما ماما تشتشرهم فى اى حاجة يجاوبوها بالعكس يعنى يقولولها حل يكون مش فى مصلحتها بالعكس بيكون مضر ليها
لدرجة انى لية خالتو فظيعة مش بتبطل توقيع الناس فى ماما لدرجة انها بتكلم الناس على انها مامتى وتشتمهم ودة طبعا زعل ناس كتير من ماما
بس فية اللى بيحب ماما قوى فبيجى يعتب عليها ويقولها وطبعا يعرفوا الحقيقة ان مش ماما اللى كلمتهم
بس فى ناس تزعل من غير ما تقول وحولنا كتير مع خالتو دى مفيش فائدة ودة كلة بسبب الغيرة من مامتى واحنا
ماما شايله فى قلبها كتير وانا حسة بيها بس مش عارفة اعمل اية لدرجة انى خالتو دى كمان ممكن توقع بنا وبين اصحابنا واى حد يكون بيحبنا بجد بجد بجد نفسى اعرف الحل اية فى موضوع زى دة افيدونى
بجد نفسى حد يساعدنى ويقولى اعمل اية فى موضوع زى دة
والسلام ختام

هاى يا قلب حائرولكم بيك دى اولا ثانيا بهنيكى على اسمك حلو كتير ثالثا ليا رد ممكن مش يريحك بس انا هبص لها من زاويه تانيه شوفى انا بحب الايه القرانيه ودى لوحدها ترد عليكى (وادفع بالتى هى احسن فاذا الذى بينك وبينه عداوه كانه ولى حميم )اكيد ماما بتحب خالتو واكيد خالتوا كمان بتحبها وانا معاكى ان الشعور بالغيره بيكون موجود حتى بين الاخوات بس لو اختى بتحبنى وغيرانه منى انا هحاول اشوف هى غيرانه منى فى ايه واعوضها لانها هتعرف انى مش احسن منها فى حاجه وان اللى عندى بتاعها وانا بحس ان اجمل احساس هو انى اعطى حتى لو مش عندى فتصورى لو عندى . وده مش كلام بس شوفى ممكن تكون الغيره لان ماما احلى منها شكلا وانا ماعرف اسباب الغيره ايه بس بقول ان واضح انها ممكن تكون ما ديه عشان كده ان لو فى مناسبه عندها او حتى من غير مناسبه ماما اخدت لها هديه وان كانت غاليه شويه وراحت لها الرسول عليه الصلاه والسلام قال ان الهديه بحر بتشيل ما فى النفوس مرة فى مرة هتحس ان اختها دى بتحبها واكيد هتقاوم الغيره جواها حتى لو جه لها الشعور بالغيره وماما هى العنصر الفعال فى المشكله يعنى الحل فى ايد ماما تشوف هى ليه بتغير منها وتحسسها انها عندها اغلى من كل ده وانا اى شى بتاعها فهو ملكها حتى ولو كانت ماما احلى او ربنا من عليها بنعم مش عند اختها تحاول تكون متواضعه ادامها لان الكلمه الطيبه لها مفعول السحر عند البنى ادم وانا عندى كلام كتير ممكن اقوله لك بس الكتابه صعب توصلك كلامى وان شاء الله ربنا يهدى النفوس بينهم

المشكلة مش فى ماما المشكلة فى خالتو والفرق اللى بينا مش ممكن يتحل اصل عيلها ما دخلوش كليات واحنا كلنا كليات عاليا فى مش عارفين الحل اية بنحاول نقولها ان كلة محصل بعضة فى النهاية برضة مفيش فائدة مش عارفة الحل اية